Marta Pía Lorenzo nos presenta el blog Arquivos do Trasno para la categoría Blogs de Bibliotecas Escolares.
Botamos a andar hai dous anos aproximadamente, sen saber apenas nada deste medio nin como ía resultar a experiencia. O obxectivo fundamental era facer visible a biblioteca do noso IES, na que estabamos a realizar unha gran transformación. O blog sería unha fiestra aberta a toda a comunidade educativa a través da que poderían ver as posibilidades que ofrece unha biblioteca para realizar todo tipo de actividades cos alumnos, e tamén as posibilidades que ofrecen as TIC no día a día das aulas, o que podería aportar un plus de motivación aos alumnos. Había que romper rutinas e eliminar estereotipos, e o blog podía ser unha axuda impagable.
A día de hoxe, conscientes de que queda moito, moito, moito por andar, cremos ter posto a primeira pedra, porque este blog é xa unha referencia para unha parte importante do alumnado, e tamén para algúns profesores e mesmo pais de alumnos.
O voso traballo é impecable, podedes estar seguros. Dende a importancia concedida aos clásicos, ata as recomendacións de lectura, as actividades que facedes na biblioteca…Encántanos o voso blog!
Dende Silleda, os nosos parabéns e unha aperta enorme.